პლავიქსი - სამედიცინო ფორუმი
სამედიცინო პორტალი
მოგესალმები სტუმარი | RSS
[ ახალი შეტყობინებები · მონაწილეები · ფორუმის წესები · ძებნა · RSS ]
გვერდი 1 დან1
სამედიცინო ფორუმი » ფარმაცევტული ფორუმი » წამლები » პლავიქსი (Plavix (Clopidogrel))
პლავიქსი
stomboxთარიღი: შაბათი, 2009-04-25, 10:37 PM | შეტყობინება # 1
რეანიმატოლოგი; დიაგნოსტიკოსი
ჯგუფი: მთავარი ექიმი
შეტყობინებები: 56
რეპუტაცია: 2
სტატუსი: Offline
შემადგენლობა და გამოშვების ფორმა:
შემოგარსული ტაბლეტები: შეფუთვაში 14ც
1 ტაბლეტი შეიცავს 75 მგ კლოპიდოგრელს.

დამხმარე ნივთიერებები:
ბირთვი შეიცავს მანიტს, მაკროგოლ 6000-ს, მიკროკრისტალურ ცელულოზას, ჰიდროგენიზირებულ აბუსალათინის ზეთს, ჰიდროქსიპროპილცელულოზას, ხოლო გარსი კი ჰიპრომელოზას, ტრიაცეტინს, ტიტანის დიოქსიდს (E 171), რკინის წითელ ოქსიდს (E 172), კარნაუბის ცვილს.

კლინიკურ-ფარმაკოლოგიური ჯგუფი:
თრომბოციტების აგრეგაციის ინჰიბიტორი.

ფარმაკოლოგიური თვისებები:
პლავიქსი სელექტიურად აინჰიბირებს ადენოზინდიფოსფატის (ადფ) შეკავშირებას თრომბოციტების თანამოსახელე რეცეპტორებთან და ადენოზინდიფოსფატის მიერ გლიკოპროტეინ GPIIb/IIIa კომპლექსის მომდევნო აქტივაციას, რაც იწვევს თრომბოციტების აგრეგაციის შემცირებას. პლავიქსი ასევე აინჰიბირებს თრომბოციტების აგრეგაციას, რომელიც გამოწვეულია სხვა აგონისტებით. პლავიქსი შეუქცევადად უკავშირდება თრომბოციტების ადფ რეცეპტორებს, აქედან გამომდინარე, მასთან ურთიერთქმედებაში მყოფი თრომბოციტები დაბლოკილები არიან მათი სიცოცხლის მთელი პერიოდის განმავლობაში და თრომბოციტების ნორმალური ფუნქცია აღდგება სისწრაფით, რომელიც შეესაბამება მათი განახლების სისწრაფეს. კლინიკური კვლევისას პრეპარატი დოზით 75 მგ-ის განმეორებითი გამოყენებისას ადგილი ჰქონდა ადფ-ით გამოწვეული თრომბოციტების აგრეგაციის მნიშვნელოვან დათრგუნვას პირველსავე დღეს. პრეპარატის მაინჰიბირებელი ეფექტი პროგრესულად ძლიერდებოდა და სტაბილური მდგომარეობა აღინიშნებოდა 3-7 დღის შემდეგ. ამასთან, ინჰიბირების საშუალო დონე 40-დან 60%-მდე აღინიშნებოდა პრეპარატის 75 მგ სადღეღამისო დოზის მიღებისას. მკურნალობის შეწყვეტიდან საშუალოდ 5 დღის შემდეგ, თრომბოციტების აგრეგაცია და სისხლდენის დრო თანდათანობით უბრუნდებოდა საწყის დონეს.

ფარმაკოკინეტიკა:
პლავიქსი სწრაფად შეიწოვება პერორალური დოზის - 75 მგ გამოყენებისას, პრეპარატი ორგანიზმში გამოიყოფა 50% - შარდით, 46% - ფეკალური მასებით, შეყვანიდან 120 საათის განმავლობაში.
პლავიქსი (კლოპიდოგრელი) წარმოადგენს მოქმედი ნივთიერების პრეკურსორს. მისი აქტიური მეტაბოლიტი, თიოლური წარმოებული, წარმოიქმნება კლოპიდოგრელის დაჟანგვით კლოპიდოგრელ-2-ოქსო-კლოპიდოგრელად და მომდევნო ჰიდროლიზის შედეგად. აქტიური თიოლური მეტაბოლიტი, რომელიც იზოლირებულ იქნა in vitro, სწრაფად და შეუქცევადად უკავშირდება თრომბოციტების რეცეპტორებს, რაც იწვევს თრომბოციტების აგრეგაციის დათრგუნვას. აღნიშნული მეტაბოლიტი პლაზმაში არ აღინიშნება.

ჩვენებები:
პრეპარატი გამოიყენება იშემიური დარღვევების პროფილაქტიკისათვის:
- მიოკარდიუმის ინფარქტის, იშემიური ინსულტის გადატანის შემდგომ პერიოდში ან პერიფერიული არტერიების დიაგნოსტირებული დაავადებების დროს;
- მწვავე კორონალური სინდრომით შეპყრობილ პაციენტებში ST სეგმენტის ელევაციით და მის გარეშე (არასტაბილური სტენოკარდია ან მიოკარდიუმის ინფარქტი), აცეტილსალიცილის მჟავასთან კომბინაციაში.

უკუჩვენებები:
- პრეპარატის ან მის შემადგენლობაში შემავალი რომელიმე კომპონენტის მიმართ მომატებული მგრძნობელობა;
- ღვიძლის ფუნქციის მძიმე დარღვევა;
- მწვავე სისხლდენა გამოწვეული პეპტიური წყლულით ან თავის ტვინში სისხლჩაქცევით;
- ლაქტაციის პერიოდი.

ორსულობა და ლაქტაცია:
ორსულობის პერიოდში პრეპარატის გამოყენება არ არის რეკომენდებული.
კვლევების შედეგად არ არის დადგენილი აღწევს თუ არა პრეპარატი დედის რძეში.


il mio vivere è per voi
 
stomboxთარიღი: შაბათი, 2009-04-25, 10:37 PM | შეტყობინება # 2
რეანიმატოლოგი; დიაგნოსტიკოსი
ჯგუფი: მთავარი ექიმი
შეტყობინებები: 56
რეპუტაცია: 2
სტატუსი: Offline
განსაკუთრებული მითითებები:
მკურნალობის პერიოდში სისხლდენისა და ჰემატოლოგიური გვერდითი ეფექტების გამოვლენისას დაუყოვნებლივ საჭიროა სისხლის ანალიზის ჩატარება. როგორც ყველა სხვა ანტიაგრეგაციული სამკურნალო საშუალება, ასევე კლოპიდოგრელიც სიფრთხილით ინიშნება პაციენტებში - სისხლდენის რისკის მომატების შემთხვევაში - ტრავმა, ქირურგიული ჩარევა. ასევე სიფრთხილეა საჭირო კლოპიდოგრელისა და აცეტილსალიცილის მჟავას, არასტეროიდული ანთების საწინააღმდეგო პრეპარატების, IIb და IIIa გლიკოპროტეინების ინჰიბიტორების ან თრომბოლიზური სამკურნალო საშუალებების ერთობლივი გამოყენებისას. აუცილებელია საგულდაგულოდ ვაკონტროლოთ პაციენტების მდგომარეობა სისხლდენის დროს, ფარული სისხლდენის ჩათვლით, განსაკუთრებით მკურნალობის პირველი რამოდენიმე კვირის განმავლობაში. ვარფარინისა და კლოპიდოგრელის ერთდროული გამოყენება არ არის რეკომენდებული, ვინაიდან აღნიშნული კომბინაცია აძლიერებს სისხლდენის ინტენსივობას. გეგმიური ქირურგიული ჩარევის შემთხვევაში, როდესაც ანტიაგრეგანტული მოქმედება არ არის სასურველი, კლოპიდოგრელით მკურნალობის კურსი საჭიროა შევწყვიტოთ ოპერაციამდე 7 დღით ადრე. კლოპიდოგრელის გამოყენებისას ძალიან იშვიათად (1/200000 პრეპარატით ნამკურნალევ პაციენტზე), შესაძლებელია თრომბოზული თრომბოციტოპენიური პურპურას განვითარება, რომელიც ხასიათდება თრომბოციტოპენიით და მიკროანგიოპათური ჰემოლიზური ანემიით, ნევროლოგიური დარღვევებით, თირკმელების დისფუნქციით ან ჰიპერთერმიით. პრეპარატი სიფრთხილით ინიშნება ღვიძლის ფუნქციის და თირკმელების ფუნქციის დარღვევით შეპყრობილ პაციენტებში. პრეპარატი არ მოქმედებს სატრანსპორტო საშუალებების მართვის უნარსა და ყურადღების კონცენტრაციაზე.

ჭარბი დოზირება:
კვლევების შედეგად არ არის დადგენილი პრეპარატის მაღალი დოზით გამოყენებისას რაიმე სერიოზული გვერდითი მოვლენები. ასევე არ არსებობს სპეციფიკური ანტიდოტი. იმ შემთხვევაში, როდესაც აუცილებელია გახანგრძლივებული სისხლდენის დროის სწრაფი კორექცია, კლოპიდოგრელის მოქმედება შესაძლებელია შეჩერდეს თრომბოციტული მასის გადასხმით.

შენახვის პირობები და ვადა
არ მოითხოვს განსაკუთრებულ პირობებს.
ვარგისიანობის ვადა - 3 წელი.
SANOFI WINTHROP INDUSTRIE


il mio vivere è per voi
 
სამედიცინო ფორუმი » ფარმაცევტული ფორუმი » წამლები » პლავიქსი (Plavix (Clopidogrel))
გვერდი 1 დან1
ძებნა: